Ժամանակավորապես դադարեցվել են Գորիսի ոստիկանապետի լիազորությունները
ՀՀ ոստիկանության պետ Վլադիմիր Գասպարյանի հրամանով մինչև ծառայողական քննության ավարտը ժամանակավորապես դադարեցվել են ՀՀ ոստիկանության Սյունիքի մարզային վարչության Գորիսի բաժնի պետ Գևորգ Ազիզյանի լիազորությունները: Այս մասին ֆեյսբուքյան իր էջում գրել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը:
Գորիսի բաժնի պետի ժամանակավոր պաշտոնակատար է հայտարարված ՀՀ ոստիկանության Սյունիքի մարզային վարչության պետը:
Հիշեցնենք, որ մարտի 8-ին ՀՀ ոստիկանության Սյունիքի մարզային վարչության Գորիսի բաժնի պետ Գևորգ Ազիզյանը ծեծի է ենթարկել երիտասարդի: Ընթանում է ծառայողական քննություն՝ դեպքի մանրամասները պարզելու նպատակով:
https://www.youtube.com/watch?v=Eh4H1OxCP8A
