Հենրիխ Մխիթարյանի տրանսֆերային արժեքը հասել է 28 մլն եվրոյի
Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանի տրանսֆերային արժեքը հասել է 28 մլն եվրոյի: 2015 թ. փետրվարի 4-ի դրությամբ նրա տրանսֆերային արժեքը 21 միլիոն եվրո էր: Այս տարվա ցուցանիշը հայազգի ֆուտբոլիստի կարիերայում առայժմ ամենաբարձրն է:
Ընթացիկ՝ 2015-2016 մրցաշրջանում 27- ամյա ֆուտբոլիստը «Բորուսիա»-ի կազմում մասնակցել է Գերմանիայի առաջնության 20 խաղի եւ դարձել 8 գոլի հեղինակ: Գերմանիայի Գավաթի խաղարկության 4 խաղում խփել է 4 գոլ: Միջազգային առաջնությունների 9 խաղում Մխիթարյանը հակառակորդի դարպասը գրավել է 6 անգամ: Բոլոր այս խաղերի ընթացքում նա նաեւ 17 գոլային փոխանցման հեղինակ է դարձել: Հիշեցնենք, որ հայազգի ֆուտբոլիստը 2013թ. հուլիսին ուկրաինական «Շախտյորից» «Բորուսիա» էր տեղափոխվել 27,5 միլիոն եվրոյի տրանսֆերային արժեքով:
