«Յուվենթուսի» կիսապաշտպան Պոլ Պոգբան առաջարկել է «Բարսելոնային» իր ծառայությունները
Ֆրանսիացին ուղղակիորեն գնում է դեպի իր երազանքը:
«Յուվենթուսի» կիսապաշտպան Պոլ Պոգբան ցանկություն է հայտնել հանդես գալ «Բարսելոնայում»: Sport.es-ը հաղորդում է, որ կիսապաշտպանը երազում է խաղալ կատալոնական ակումբում և զանգահարել է իսպանացիների ղեկավարությանը, որպեսզի նրանց հայտնի իր ցանկության մասին:
«Բարսելոնան» նույնպես հետաքրքրված է Պոգբայով: Ակումբում հույս ունեն, որ Մեսսիի թիմ տեղափոխվելու ֆրանսիացու ցանկությունը կօգնի բարդ բանակցություններում. «Յուվենթուսը» 100 մլն եվրոյից էժան չի վաճառի ֆուտբոլիստին:
Իտալիայի առաջնության այս մրցաշրջանում Պոգբան դարձել է 5 գոլի և 5 գոլային փոխանցման հեղինակ:
Պատրաստեց Անի Գաբուզյանը
