Ռուբեն Վարդանյանը՝ Տարվա մարդ
Հայաստանի հանրային հեռուստաընկերության լրատվական եւ վերլուծական հաղորդումների տնօրեն, հեռուստամեկնաբան Գեւորգ Ալթունյանը «Հայաստանի զարգացման նախաձեռնություններ» (IDeA) հիմնադրամի համահիմնադիր Ռուբեն Վարդանյանին հանձնել է «Առաջին լրատվական» ծառայության ամենամյա մրցանակը:
Ռուբեն Վարդանյանն արժանացել է «Առաջին լրատվական»-ի 2015 թվականի «Տարվա մարդ» տիտղոսին: Մրցանակը շնորհվել է 2015 թվականին մեկնարկած 100 LIVES նախագծի եւ դրա շրջանակում հիմնված «Ավրորա» միջազգային մարդասիրական մրցանակի, ինչպես նաեւ Վիրահայոց թեմի Սուրբ Գեւորգ առաջնորդանիստ տաճարի վերականգնման ծրագրի համար:
Ռուբեն Վարդանյանը հյուրընկալվել է նաեւ «Հանրային օրակարգ» հաղորդաշարին, որը եթեր կհեռարձակվի վաղը՝ հունվարի 23-ին՝ ժամը 22:10-ին, Առաջին ալիքի եթերում:
