««Լուսավոր Հայաստանը» չի ֆինանսավորվում ո՛չ իշխանությունների, ո՛չ էլ օլիգարխների կողմից». Էդմոն Մարուքյան
«Այն, որ կուսակցությունն ընդդիմադիր է, դա դասական քաղաքականության կանոնն է առաջին հերթին»,- այսօր «Լուսավոր Հայաստան» կուսակցության հիմնադիր համագումարից հետո լրագրողների հետ ճեպազրույցում այս մասին ասաց կուսակցության նորընտիր նախագահ Էդմոն Մարուքյանը:
Լրագրողները հետաքրքրվեցին, թե որտեղի՞ց է մինչ այժմ ֆինանսավորվել «Լուսավոր Հայաստանը»: Է. Մարուքյանը պատասխանեց, որ ֆինանսական ներդրումները կատարվել են նախաձեռնող խմբի անդամների, ինչպես նաև՝ թափանցիկ դրամահայթայթման միջոցառումների արդյունքում: «Դրանք բոլորիս անհայտ մարդիկ են, ո՛չ իշխանություններից են, ո՛չ էլ օլիգարխներից»,- ասաց Է. Մարուքյանը, բայց անուններ չնշեց:
