Բրյուսելում ուժգին պայթյուն է եղել
ՏԱՍՍ գործակալությունը հայտնում է, որ ուժգին պայթյուն է որոտացել Բրյուսելի Մոլենբեկ էմիգրանտական թաղամասում, որտեղ ոստիկանությունը գործողություններ էր իրականացնում` Փարիզի ահաբեկչության հնարավոր մասնակիցներից մեկին հայտնաբերելու ուղղությամբ:
Հիշեցնենք, որ ոստիկանությունն արդեն երեք օր է՝ խուզարկություններ է անցկացնում Մոլենբեկում: Ավելի վաղ տեղեկություն է հայտնվել նաև, որ Մոլենբեկում գործողության ընթացքում ձերբակալվել է Սալահ Աբդեսլամը, ում Ֆրանսիայի ոստիկանությունը որոնում է Փարիզում ահաբեկչությունների առնչությամբ։ Ավելի ուշ դատախազությունը հերքել է այդ տեղեկությունը։
Հաղորդվում է նաև, որ Բելգիայի ոստիկանությունը գործողություն է իրականացնում Լյուքսեմբուրգի հետ սահմանին գտնվող Արլոն քաղաքում և փնտրում է Ֆրանսիայից ժամանած զինված մարդկանցով ավտոմեքենան։
