Մեղրով և կիտրոնով դիմակ

Գեղեցիկ, երիտասարդ և գրավիչ տեսք ունենալը գրեթե յուրաքանչյուր կնոջ երազանքն է, այդ իսկ պատճառով նրանք բաց չեն թողնում եղեցկության սրահներ այցելելու և թանկարժեք քսուքներ օրգտագործելու հնարավորությունը: Սակայն, լավագույն արդյունքի հասնելու համար բոլորովին էլ պարտադիր չէ շատ գումարներ ծախսել, երբեմն հրաշալի դիմակներ և քսուքներ կարելի է ստանալ նույնիսկ տան պայմաններում՝ բնության պարգևած բնական մրգերով և բանջարեղենով, բույսերով: Տնական պայմաններում ստացվող լավագույն դիմակներից մեկը կիտրոնի դիմակն է:

Կիտրոնի օգտակար հատկանիշների մասին բոլորն էլ գիտեն, սակայն քչերը գիտեն, որ այն, բացի առողջարար հատկանիշներից, դրական է ազդում նաև մաշկի վրա: Այն երիտասարդացնում և մաքրում է մաշկը, քանի որ մաշկին անհրաժեշտ բազմաթիվ տարրեր է պարունակում:

• Վիտամին C. օգնում է էլաստինի և կալոգենի արտազատմանը
• Վիտամին A. պայքարում է բորբոքումների և մաշկի ծերացման դեմ
• Վիտամին K. վերացնում է պիգմենտացիայի խնդիրները
• Կալիում. կարգավորում  է ճարպագեղձերի աշխատանքը:

Կոսմետիկ նպատակներով կիտրոնն օգտագործում են՝ որպես

• Սպիտակեցնող միջոց
• Բշտիկներից և ակնեից ազատվելու միջոց
• Երիտասարդացնող, թարմացնող միջոց:

Ուշադրությո՛ւն. Կիտրոնի հյութի մեծ չափաբաժինը կարող է գրգռել մաշկը, այդ իսկ պատճառով կարևոր է պահպանել ճիշտ չափաքանակը:

Կիտրոնի դիմակներն օգտակար են մաշկի բոլոր տիպերի համար: Սակայն զգայուն և չոր մաշկ ունեցող կանայք պետք է ուշադիր լինեն և բաղադրությանը միշտ յուղոտ տարր (օրինակ՝ ձիթապտղի յուղ) ավելացնեն, որպեսզի չվնասեն դեմքի մաշկը:

Մեղրով և կիտրոնով դիմակ

Այս դիմակը մաքրող և երիտասարդացնող հրաշալի միջոց է: Դիմակը պատրաստելու համար ձեզանից կպահանջվեն մեկ կիտրոնի հյութ և 2ճ/գ մեղր: Ստացված խառնուրդը պետք է քսել դեմքին և 30 րոպե անց մաքրել սենյակային ջերմաստիճանի ջրով:

Ուշադրությո՛ւն: Նման դիմակն արգելված է բաղադրիչներից  որևէ մեկի հանդեպ  ալերգիա ունեցող կանանց:

Նյութը հրապարակման պատրաստեց Լիլիթ Հարությունյանը