«Գազպրոմն» ու ռուսական պաշտպանական ձեռնարկությունները՝ Կանադայի պատժամիջոցների թիրախում
Կանադայի իշխանություններն ընդլայնել են Ռուսաստանի նկատմամբ սահմանափակող միջոցառումները: Ցուցակը համալրել են 3 ֆիզիկական ու 14 իրավաբանական անձինք: Փաստաթուղթը ստորագրել է երկրի վարչապետ Սթիվեն Հարփերը, տեղեկացնում է «Ռոսբալտը»:
Իրավաբանական անձանց թվում, որոնց դեմ պատժամիջոցներ են սահմանվել, հայտնվել են «Գազպրոմը», «Գազպրոմնևտը», «Տրանսնևտը» ու Marshall Capital Fund հիմնադրամը:
Պատժամիջոցների տակ են ընկել նաև Երիտասարդական եվրասիական միությունը, «Սիրիուս», «Տուլայի զինագործական գործարան» ընկերությունները, «Միացյալ ավիաշինարարական կորպորացիան» և այլն:
Անհատական պատժամիջոցների են ենթարկվել
Երիտասարդական եվրասիական միության ղեկավարներ Ալեքսանդր Դուգինը, Պավել Կանիշչևը, Անդրեյ Կովալենկոն:
Ավելի վաղ ԵՄ պաշտոնաթերթը հրապարակեց իրավական ակտ մինչև 2016թ. հունվարի 31-ը երկարեցնել Եմ տնտեսական պատժամիջոցները Ռուսաստանի նկատմամբ:
