Ռոման Բերեզովսկին «Զենիթի» պատմության լավագույն դարպասապահների հնգյակում է
Zenit-history.ru կայքը կազմել է «Զենիթի» պատմության լավագույն դարպասապահների հնգյակը: Այս հնգյակում տեղ է գտել նաև Հայաստանի հավաքականի դարպասապահ Ռոման Բերեզովսկին:
Կայքը գովեստով է խոսում Բերեզովսկու մասին և համարում է, որ Բերեզովսկու ներդրումը 1990-ականներին շատ կարևոր և մեծ էր: Ըստ հեղինակների, եթե Բերեզովսկին այդ ժամանակ ունենար մոսկովյան գրանցում, ապա միանշանակ կդառնար Ռուսաստանի առաջնության լավագույն դարպասապահը:
Բերեզովսկու մասին խոսելիս հեղինակները շեշտում են նաև, որ Ռոմանը ռեկորդակիր է Ռուսաստանի առաջնության հետ մղած 11 մետրանոցների թվով: Այդ 11 մետրանոցներից 6-ը Բերեզովսկին ետ է մղել հենց «Զենիթի» կազմում:
Սիրարփի Աղաբաբյան
