Դեյվիդ Բեքհեմը կնկարահանվի Գայ Ռիչիի նոր ֆիլմում
Դեյվիդ Բեքհեմի կերպարը կխաղա քարից Էսկալիբուր թուրը հանելու դասական տեսարանում: Ֆիլմը, որը նախատեսված 6 ֆիլմերից բաղկացած շարքի առաջին կինոնկարն է, մեծ էկրաններին կբարձրանա հաջորդ տարի հուլիսին. հաղորդում է The Daily Express-ը:
Բեքհեմին բաժին է հասել երկրորդ պլանի դեր, որը կմասնակցի Էսկալիբուր թուրը քարից հանելու տեսարանին:
Ֆիլմում, Բեքհեմից բացի, նկարահանվելու են նաև Ջուդ Լոուն, Էրիկ Բանան, Անաբել Ուոլիսը, Կետի Մակգրատը, Պոպի Դելևինը և Չարլի Հենեմը, ով կմարմնավորի Արթուր թագավորին:
Դեյվիդ Բեքհեմը եղել է Անգլիայի հավաքականի ավագը, խաղացել է «Մանչեսթեր Յունայթեդում», «Ռեալ Մադրիդում», «Միլանում», «ՊՍԺ»-ում և «Լոս Անջելես Գելակսիում»: 2013թ. ֆուտբոլիստը հայտարարեց պրոֆեսիոնալ կարիերայի ավարտի մասին:
Պատրաստեց Անի Գաբուզյանը
