Վիկտորյա Նուլանդն այսօր ժամանում է Մոսկվա
![](https://168.am/wp-content/uploads/2015/05/pic_c995982bd293e0aeb8dca8a3875576ed.jpg)
Lenta.ru-ի փոխանցմամբ` ԱՄՆ պետքարտուղարի` եվրոպական ու եվրասիական հարցերով օգնական Վիկտորյա Նուլանդը մայիսի 17-18-ին մեկնելու է Ռուսաստան, ուր և հանդիպելու է ռուս բարձրաստիճան պաշտոնատար անձանց հետ:
Այս մասին հայտնել է ԱՄՆ պետդեպարտամենտը: Նուլանդը Մոսկվայում քննարկելու է մինսկյան համաձայնագրերի իրագործման ընթացքը: Բացի այդ, Նուլանդը հանդիպումներ է ունենալու քաղաքացիական հասարակության ներկայացուցիչների հետ:
Մայիսի 14-16-ին Նուլանդը գտնվել է Կիևում: Մայիսի 12-ին ԱՄՆ պետքարտուղար Ջոն Քերին Սոչիում հանդիպել է Ռուսաստանի նախագահ Վլադիմիր Պուտինի ու արտգործնախարար Սերգեյ Լավրովի հետ: Պուտինի ու Քերիի զրույցը տևել է մոտ չորս ժամ: