ԿԺԴՀ-ում մահապատժի են ենթարկել պաշտպանության նախարարին՝ Կիմ Չենի Ինի ներկայությամբ նիրհելու համար. մամուլ
Հարավկորեական Yonghap լրատվական գործակալության փոխանցմամբ՝ ԿԺԴՀ-ում մահապատժի են ենթարկել պաշտպանության նախարար Խյոն Յոն Չհոլին: Այս մասին հայտնել է Հարավային Կորեայի Ազգային հետախուզական ծառայությունը:
Լրատվամիջոցի տվյալներով՝ ԿԺԴՀ-ի պաշտպանության նախարարին սպանել են զենիթային հրանոթից արձակած կրակոցով, ինչը տեղի է ունեցել ապրիլի վերջին:
Նրան մահվան են դատապարտել այն բանից հետո, ինչ նա նիրհել է ԿԺԴՀ-ի առաջնորդ Կիմ Չեն Ինի մասնակցությամբ ռազմական միջոցառումներից մեկի ժամանակ:
Փհենյանում նման պահվածքը որակել որպես անհարգալից վերաբերմունք պետության ղեկավարի հանդեպ և պաշտպանության նախարարին մեղադրել են պետական դավաճանության մեջ: Մահապատժի մասին տեղեկատվությունը պաշտոնապես չի հաստատվել:
