Ստեփանծմինդա-Լարս ավտոճանապարհը փակ է
Новости-Грузия լրատվական գործակալության փոխանցմամբ՝ դեպի Ռուսաստանի սահման տանող Մցխեթ-Ստեփանծմինդա-Լարս ավտոմայրուղու Գուդաուրի-Կոբի հատվածում արգելվել է ավտոտրանսպորտային բոլոր միջոցների շարժը՝ կապված ձնահյուսի վտանգի հետ:
Այս մասին այսօր հայտնել է Վրաստանի տարածքային զարգացման ու ենթակառուցվածքների նախարարության ավտոճանապարհների դեպարտամենտը: Ավտոմայրուղու 134-135 կիլոմետրանոց հատվածում (Դարյալի լեռնանցք) արգելվել է ավտոտրանսպորտի կանգը:
Տվյալ ռեժիմն իրականացվում է պարեկային ոստիկանության անմիջական դիտարկման ու համակարգման ներքո: Մնացյալ հատվածներում ավտոտրանսպորտի շարժն ազատ է: Երեկ երեկոյան Վրաստանում գրանցվել է օդի ջերմաստիճանի անկում:
