ԱՄՆ-ի հետ հարաբերություններում առայժմ որևէ նյութական արդյունք չի կանխատեսվում. Լավրով
Ռուսաստան-ԱՄՆ հարաբերություններում որևէ նյութական փոփոխություն, չնայած երկրների միջև երկխոսության առկայությանը, տեղի չի ունեցել և չի կանխատեսվում։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը՝ Միջազգային ռուսասերների շարժման IV կոնգրեսի բացմանը, հաղորդում է ՏԱՍՍ-ը:
Նա ուշադրություն է հրավիրել այն բանի վրա, որ ԱՄՆ-ը, ի տարբերություն եվրոպական երկրների, պատրաստ է խոսել և լուրջ երկխոսություն վարել Ռուսաստանի հետ։
«Դա միշտ, նույնիսկ երբ դիրքորոշումները տրամագծորեն հակառակն են, միշտ կարևոր է: Եվ հենց այդպես են մեզ հետ գործ վարում Միացյալ Նահանգները՝ այն դեպքում, երբ մեր հարաբերությունների վերականգնման տեսանկյունից որևէ նյութական արդյունք տեղի չի ունեցել և չի կանխատեսվում»,- նշել է ԱԳ նախարարը:
