Եթե աշխատելու հրահանգ չլինի, գնալու ենք Զոդի մոստը փակենք․ տնօրենը բանակցում է՝ վերսկսեն աշխատանքը
«Արարատցեմենտ»-ի աշխատակիցներն առավոտվանից հավաքվել են գործարանի մոտ՝ հասկանալու, թե ինչ է կատարվում և ինչ է լինելու իրենց հետագա ճակատագիրը:
Նշենք, որ Գագիկ Ծառուկյանի հետ կապված քրեական վարույթի շրջանակներում իրավապահները կապարակնքել են գործարանը, և այն չի աշխատում:
Լրագրողների հետ զրույցում գործարանի գործադիր տնօրեն Արտյոմ Պողոսյանը հայտնեց, որ բանակցություններ են այս պահին վարվում:
«Հանգիստ կարող եք գնալ բոլորդ ձեր տներով, քիչ ուշոտ արդեն կկարգավորենք, և ձեզ կասենք՝ ո՞ր ժամին ի՞նչ հերթափոխով եք հաճախում գործի, ու կսկսենք աշխատել: Այս պահին բանակցում ենք, մի քանի ժամից պարզ կլինի»,- ասաց նա:
Ակցիայի մասնակիցներից մեկն արձագանքեց. «Եթե չստացանք էդ տեղեկությունը, գործարանի բանվոր տղերքով որոշել ենք՝ էթալու ենք նստենք, Զոդի մոստը փակենք»:
Մանրամասները՝ տեսանյութում
