Պակիստանն ԱՄՆ-ին և Իրանին «զսպվածություն ցուցաբերելու» կոչ է արել
Պակիստանը Միացյալ Նահանգներին և Իրանին զսպվածություն ցուցաբերելու և Մերձավոր Արևելքում հակամարտության դադարեցմանն ուղղված փոխըմբռնման հուշագրի պայմանները պահպանելու կոչ է արել, հաղորդում է Ֆրանսպրես գործակալությունը:
Կողմերի միջև որպես միջնորդ հանդես եկող Պակիստանի ԱԳՆ հայտարարության մեջ նշվում է, որ բոլոր մասնակիցները պետք է կատարեն Իսլամաբադի հուշագրի շրջանակներում ստանձնած իրենց պարտավորությունները:
«Պակիստանը բոլոր կողմերին կոչ է անում պահպանել Իսլամաբադի փոխըմբռնման հուշագրի համաձայն իրենց համապատասխան պարտավորությունները և զսպվածություն ցուցաբերել»,- նշվում է արտաքին քաղաքական գերատեսչության հայտարարության մեջ:
Այս կոչը հնչել է ԱՄՆ-ի և Իրանի միջև ռազմական գործողությունների վերսկսումից հետո, ինչը վտանգի տակ է դրել առճակատման դադարեցման վերաբերյալ նախկինում ձեռք բերված պայմանավորվածությունները։
Իսլամաբադը ավելի վաղ հանդես է եկել որպես միջնորդ Վաշինգտոնի և Թեհրանի միջև բանակցություններում, որոնք ուղղված էին լարվածության նվազեցմանը և տարածաշրջանում հետագա սրման կանխմանը:
