Դանիան Ուկրաինային հատկացրել է ռազմական օգնության նոր փաթեթ

Դանիայի իշխանությունները Ուկրաինային կտրամադրեն 4,4 միլիարդ դանիական կրոնի (671,8 միլիոն դոլար) ռազմական օգնություն։ Գումարը կուղղվի Ուկրաինայի զինված ուժերի համար տեխնիկայի և սպառազինության ձեռքբերմանը, ինչպես նաև ուկրաինացի զինծառայողների պատրաստմանը, հայտնել է թագավորության պաշտպանության նախարարության մամուլի ծառայությունը։

Սա Ուկրաինային Դանիայի տրամադրած ռազմական օգնության 30-րդ փաթեթն է, ընդգծել է Դանիայի պաշտպանության նախարար Եպպե Բրուուսը։ Նրա խոսքով՝ Ռուսաստանի կողմից Ուկրաինայի դեմ պատերազմի սկզբից ի վեր Դանիան Ուկրաինայի զինված ուժերի կարիքների համար ընդհանուր առմամբ հատկացրել է 76,8 միլիարդ դանիական կրոն (11,7 միլիարդ դոլար)։

Բացի առանձին եվրոպական երկրների ռազմական օգնության փաթեթներից, Ուկրաինան Եվրոպական հանձնաժողովից ստանում է 90 միլիարդ եվրոյի վարկ։ ԵՀ-ն 3,2 միլիարդ եվրոյի առաջին տրանշը Ուկրաինային հատկացրել է հունիսի 25-ին, իսկ երկրորդը (3,9 միլիարդ եվրո)՝ հունիսի 30-ին։

Գումարները կուղղվեն անօդաչու թռչող սարքերի, ինչպես նաև զինամթերքի, հրթիռների և հակաօդային պաշտպանության համակարգերի ձեռքբերմանը։