Կեյկո Ֆուխիմորին հաղթում է Պերուի ընտրություններում՝ քվեների 100%-ի հաշվումից հետո
«Ժողովրդական ուժ» կուսակցության թեկնածու Կեյկո Ֆուխիմորին հաղթում է Պերուի նախագահական ընտրությունների երկրորդ փուլում՝ քվեաթերթիկների 100%-ի հաշվարկից հետո՝ իր մրցակից Ռոբերտո Սանչեսին գերազանցելով 49 641 ձայնով: Այս մասին հաղորդում է ՏԱՍՍ գործակալությունը:
Ընտրական գործընթացների ազգային վարչության (ONPE) պաշտոնական տվյալների համաձայն՝ Ֆուխիմորիի արդյունքը կազմում է 50,13%, ինչը համապատասխանում է ընտրողների 9 223 396 ձայնին:
Նրա գլխավոր մրցակից Ռոբերտո Սանչեսը, որը ներկայացնում է «Միասին հանուն Պերուի» քաղաքական կազմակերպությունը, հավաքել է ձայների 49,86%-ը: Նրա օգտին է քվեարկել երկրի 9 173 755 քաղաքացի:
