Պայթյուն Մոնակոյում. մահափորձ է կատարվել ուկրաինացի օլիգարխի և նրա ընտանիքի նկատմամբ
Գիշերը անհայտ անձը հեղույսներով լիցքավորված ինքնաշեն պայթուցիկ սարք է կիրառել։ Երեք մարդ վիրավորվել է, նրանցից երկուսը ծանր վիճակում են։
Նախնական տվյալներով` տղամարդը թողել է ուսապարկը մուտքի դռան մոտ այն պահին, երբ շենք մարդիկ էին մտնում։
Figaro-ի տվյալներով՝ տուժածները ուկրաինացի օլիգարխն են, նրա կինը և նրանց երեխան։ Խոսքը «Ալեֆ» ընկերության հիմնադիր և Դնեպրի խոշորագույն կառուցապատողներից մեկի` Վադիմ Երմոլաևի մասին է։
«Մեր տեղեկությունների համաձայն՝ երեք տուժածներն էլ նույն ուկրաինական ընտանիքի անդամներ են։ Ծնողները` 50/60 տարեկան, որոնցից մեկը, ենթադրաբար, ուկրաինացի օլիգարխ է, գտնվում են ծանր վիճակում՝ կյանքին սպառնացող վտանգ կա, իսկ 13-ամյա դեռահասը համեմատաբար կայուն վիճակում է», – ասվում է Figaro–ի հրապարակման մեջ։
Ուկրաինական ԶԼՄ–ների տվյալներով՝ Երմոլաևը 2019 թվականին հրաժարվել է Ուկրաինայի քաղաքացիությունից և ստացել Կիպրոսի անձնագիր։ 2023 թվականի դեկտեմբերին Ուկրաինայի Ազգային անվտանգության և պաշտպանության խորհուրդը պատժամիջոցներ է կիրառել նրա նկատմամբ։ Նա Ուկրաինայի 100 ամենահարուստ մարդկանց ցանկում է։
Մոնակոյի իշխանությունները սա անվանել են երկրի պատմության մեջ առաջին ահաբեկչական հարձակումը։
