Բելառուսն անջատել է վերահեռարձակման կայանները, որոնցով ՌԴ-ն համակարգել է Ուկրաինայի դեմ ԱԹՍ-ների հարվածները. Զելենսկի
Բելառուսն անջատել է վերահեռարձակման կայանները, որոնց օգնությամբ Ռուսաստանը համակարգել է Ուկրաինայի ուղղությամբ անօդաչու թռչող սարքերի հարվածները: Այս մասին հայտնել է Ուկրաինայի նախագահ Վոլոդիմիր Զելենսկին։
Ավելի վաղ նա սպառնացել էր, որ Ուկրաինայի զինված ուժերը կարող են ինքնուրույն ոչնչացնել այդ կայանները։
«Ինձ հայտնի չէ՝ վերահեռարձակման կայանները ապամոնտաժվել են թե ոչ»,- նշել է նա:
