Էրդողանը և Իրանի նախագահը քննարկել են տարածաշրջանային զարգացումները
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ։
Կողմերը քննարկել են երկկողմ հարաբերությունները, ինչպես նաև տարածաշրջանային և գլոբալ արդիական զարգացումները։
Էրդողանը նշել է, որ Իրանի և ԱՄՆ-ի միջև ձեռք բերված համաձայնությունը գոհունակություն է առաջացնում, և ընդգծել է, որ Թուրքիան պատրաստ է անհրաժեշտ բոլոր աջակցությունը ցուցաբերել այս գործընթացի խաղաղ ավարտի համար։
Թուրքիայի նախագահը նաև կարևորել է տարածաշրջանային կայունության և խաղաղության ամրապնդման ուղղությամբ քայլերի իրականացումը՝ ընդգծելով, որ Անկարան շարունակելու է ակտիվորեն աշխատել այդ ուղղությամբ։
