Նիդերլանդները կուժեղացնեն մասնակցությունը ՆԱՏՕ-ի պաշտպանությանը MQ-9 Reaper անօդաչու թռչող սարքերի օգնությամբ
Նիդերլանդների իշխանությունները հայտարարել են MQ-9 Reaper անօդաչու թռչող սարքերը ՆԱՏՕ-ի պաշտպանական կարողություններն ամրապնդելու նպատակով օգտագործելու ծրագրերի մասին՝ Եվրոպայում ԱՄՆ-ի ռազմական ներկայության հնարավոր կրճատման ֆոնին։
Դրա մասին հայտնել է երկրի փոխվարչապետ և պաշտպանության նախարար Դիլան Յեշիլգյոզ-Զեգերիուսը՝ նշելով, որ որոշումն ընդունվել է դաշինքի դաշնակիցների հետ համակարգմամբ։
Նրա խոսքով՝ Բրյուսելում ՆԱՏՕ-ի պաշտպանության նախարարների հանդիպման ժամանակ քննարկվել է ամերիկյան ռազմական ներկայության նվազեցումը և հավաքական պաշտպանության գործում եվրոպական երկրների ներդրման ավելացման անհրաժեշտությունը։
Վերջին տարիներին ԱՄՆ-ը վերանայում է իր ուժերի տեղաբաշխումը Եվրոպայում, ներառյալ զորքերի մի մասի դուրսբերումը Գերմանիայից և առանձին ծրագրերի կրճատումը՝ դա հիմնավորելով ռեսուրսների վերաբաշխմամբ և սեփական անվտանգության համար եվրոպական դաշնակիցների պատասխանատվության մեծացմամբ։
