Եվրոպայի ապագայի լավագույն երաշխիքը կլինի Ուկրաինայի արագացված անդամակցությունը ԵՄ-ին. Զելենսկի
Ուկրաինայի նախագահ Վոլոդիմիր Զելենսկին հունիսի 18-ին ԵՄ գագաթնաժողովում հայտարարել է, որ Եվրոպայի ապագան ձևավորվում է Ուկրաինայի պաշտպանության միջոցով, և որ ԵՄ-ի համար անվտանգության լավագույն երաշխիքը կլինի Կիևի արագացված անդամակցությունը կառույցին։
Զելենսկին նշել է, որ Ուկրաինան ցանկանում է, որ Ռուսաստանի հետ պատերազմը ավարտվի մինչև այս տարվա վերջ, և կոչ է արել եվրոպական երկրներին աջակցել Կիևին՝ հակաօդային պաշտպանության հրթիռներով և վառելիքով հաջորդ ձմռանը նախապատրաստվելու համար։
X-ի իր էջում մասնակի կրճատումներով հրապարակված իր ելույթի մեջ Ուկրաինայի նախագահը ընդգծել է, որ իր երկիրն «առավել քան որևէ այլ երկիր» արժանի է ԵՄ անդամակցության, քանի որ իր ազատության և անկախության համար մեծ գին է վճարել։
«Եվրոպայի ազատ, միասնական և խաղաղ ապագան որոշվում է Ուկրաինայի պաշտպանության միջոցով։ Սա ցույց է տալիս, թե ինչ բացառիկ իրադրության հետ գործ ունենք»,- ասել է Զելենսկին։
