ՀԱՊԿ-ը խորացնում է ռազմատնտեսական համագործակցությունը․ Մինսկում կայացել է հանձնաժողովի նիստը

Մինսկում` «Ազգային անվտանգություն. Բելառուս-2026» անվտանգության ոլորտի III միջազգային ցուցահանդեսի շրջանակում, տեղի է ունեցել ՀԱՊԿ-ի ռազմատնտեսական համագործակցության միջպետական հանձնաժողովի (ՄԿՎԷՍ) 24-րդ նիստը։

Նիստը վարել է Բելառուսի ՄԿՎԷՍ ազգային մասի ղեկավար, Բելառուսի պետական ռազմաարդյունաբերական կոմիտեի նախագահի տեղակալ Դմիտրի Ստեֆանովիչը։

Մասնակիցները քննարկել են հանձնաժողովի գործունեության արդյունքները՝ կապված նախորդ՝ 23-րդ նիստում ընդունված որոշումների իրականացման հետ։ Այդ նիստը կայացել էր անցյալ տարվա նոյեմբերին Աստանայում։

Օրակարգում ընդգրկված են եղել նաև հետևյալ հարցերը․

ՀԱՊԿ անդամ պետությունների զինված ուժերի մատակարարման միջոցների միջպետական կատալոգավորման համակարգի ստեղծում,

Ռազմատնտեսական համագործակցության շրջանակում ստացված և օգտագործվող մտավոր գործունեության արդյունքների նկատմամբ իրավունքների փոխադարձ պաշտպանության ապահովում,

ՀԱՊԿ անդամ երկրների ռազմական, երկակի նշանակության և հատուկ արտադրանքի, ինչպես նաև տեխնոլոգիաների ցուցադրությունների կազմակերպում 2027-2028 թվականներին անցկացվելիք միջազգային ցուցահանդեսներում։

Որոշվել է, որ ՄԿՎԷՍ-ի 25-րդ հերթական նիստը կանցկացվի 2027 թվականի սեպտեմբեր-հոկտեմբեր ամիսներին Ռուսաստանի Դաշնությունում։