Իրանի և Լիբանանի խորհրդարանների խոսնակներն ընդգծել են Լիբանանի տարածքից Իսրայելի ուժերի դուրսբերման անհրաժեշտությունը

Լիբանանի և Իրանի խորհրդարանների խոսնակները երեքշաբթի անցկացված հեռախոսազրույցի ընթացքում ընդգծել են լիբանանյան հողից իսրայելական ուժերի անհապաղ դուրսբերման անհրաժեշտությունը, հաղորդում է Mehr-ը։

Լիբանանի խորհրդարանի խոսնակ Նաբիհ Բերրին հեռախոսազրույց է ունեցել իր իրանցի գործընկեր Մոհամմադ Բաղեր Ղալիբաֆի հետ՝ քննարկելով Լիբանանում և տարածաշրջանում տեղի ունեցող իրադարձությունները, ինչպես նաև ԱՄՆ-ի և Իրանի միջև փոխըմբռնման հուշագիրը, ասված է Բերրիի գրասենյակի հայտարարության մեջ։

Նրանք, մասնավորապես, կոչ են արել ստիպել Իսրայելին դադարեցնել իր ռազմական ակտիվությունը Լիբանանում և անհապաղ հեռանալ օկուպացված լիբանանյան տարածքից, նշվում է հայտարարության մեջ։