Ավստրալիան կդառնա ԱՄՆ-ի նոր հենակետը. AFP
Համաձայն մրցութային փաստաթղթերի և պաշտոնատար անձանց տրամադրած տեղեկատվության՝ ԱՄՆ զինված ուժերը ծրագրում են Ավստրալիայի հարավ-արևելյան ափին ստեղծել ծովային հետևակի կորպուսի համար նախատեսված՝ մարտական գործողություններին պատրաստ զենքի մշտական պահեստ, որը հասանելի չի լինի չինական հրթիռների մեծ մասի համար:
Շուրջ 30 միլիոն դոլար կներդրվի Վիկտորիա նահանգի գյուղական վայրերում պահեստարանների կառուցման համար, որտեղ կտեղակայվի ամերիկյան զինամթերքը՝ Հնդկա-խաղաղօվկիանոսյան տարածաշրջանում ամերիկյան ուժերի արագ արձագանքման կարողությունները բարձրացնելու նպատակով:
