Ո՞ր փողոցներն են փակ, և ինչպե՞ս կկազմակերպվի երթևեկությունը Կիևյան կամրջի փակվելուց հետո
Հիմնանորոգման աշխատանքներով պայմանավորված՝ Կիևյան կամուրջը հունիսի 17-ից մինչև օգոստոսի 29-ը երթևեկության համար փակ կլինի. հայտարարել է Երևանի քաղաքապետարանը:
Քաղաքապետարանի մամուլի խոսնակ Արտյոմ Կարապետյանը տեղակացրեց, որ դեռ պարզ չէ, թե ինչպես է քաղաքում կազմակերպվելու երթևեկությունը, կարծում է՝ պարեկները կհամակարգեն: Շուտով անհրաժեշտ ինֆորմացիան կհրապարակվի:
Դեռ անավարտ է Արղության փողոցի շինարարությունը, որն ըստ խոսնակի՝ երկար չի տևելու:
Ավետիսյան փողոցը, որը վաղուց արդեն փակ է, դեռ շինարարության փուլում է, Արին-Բերդում նույնպես աշխատանքները շարունակվում են: Այս ամենին միացավ նաև Կիևյան կամուրջը:
Ինչ վերաբերում է Երևան-Սևան ավտոճանապարհին, ապա այն կայծակի հարվածից կամրջի փլուզման և շինարարական աշխատանքների կազմակերպման պատճառով առնվազն մեկ տարի փակ է լինելու:
