Արևմուտքին անհետաքրքիր դարձան ընդհանուր առևտրային կանոններ, երբ սկսեց «պարտվել» դրանում. Պուտին
Ռուսաստանի նախագահի մյուս հայտարարությունները՝
Երբ արևմտյան երկրների համար շահեկան էր, նրանք բոլորին հրավիրեցին միանալ ԱՀԿ-ին: Սակայն, երբ Արևմուտքը սկսեց պարտվել, կիրառվեցին միակողմանի կանոններ և պատժամիջոցներ:
Եվրոպական էլիտաները քաոս են հրահրում, որի մեջ փորձում են ներքաշել ավելի ու ավելի շատ երկրներ: Աշխարհը տասնամյակների ընթացքում ապրում է ամենամեծ կառուցվածքային վերափոխումը:
Արևմտյան պատժամիջոցները փաստացիորեն ջնջել են ԱՀԿ ինստիտուտը՝ խաթարելով դրա նկատմամբ վստահությունը: ՌԴ-ի միջազգային պահուստների գողությունը բացասաբար է ազդել դոլարի և եվրոյի վրա: Բոլոր երկրները, այդ թվում՝ Ռուսաստանը, կարող են կորցնել իրենց օրինական դոլարային և եվրոյին ակտիվներին հասանելիությունը:
Ռուսաստանի վրա ճնշումը պահպանվում է, սակայն նոր գործընկերային հարաբերություններ են ի հայտ եկել: Երկիրը ներկայիս համաշխարհային խնդիրները դիտարկում է ոչ միայն որպես սպառնալիք, այլև որպես հսկայական հնարավորություն:
ԲՐԻԿՍ երկրների բաժինը համաշխարհային ՀՆԱ-ում գնողունակության համարժեքությամբ կազմում է մոտավորապես 40%, մինչդեռ G7-ինը` 29%-ից պակաս: ԲՐԻԿՍ -ի առաջատարությունը համաշխարհային տնտեսությունում աճել է և կշարունակի ընդլայնվել:
