Իրանը վնասել է ամերիկյան առնվազն յոթ ռազմական օբյեկտների սարքավորումները. NYT
Իրանը վնասել է Մերձավոր Արևելքում գտնվող ամերիկյան առնվազն յոթ ռազմական օբյեկտների կապի և ռադարային սարքավորումները, հաղորդում է New York Times-ը՝ հղում անելով արբանյակային տվյալներին։
«Իրանի կողմից շաբաթավերջին և երկուշաբթի օրը իրականացված հարվածները վնասել են Մերձավոր Արևելքում գտնվող ամերիկյան առնվազն յոթ ռազմական օբյեկտների կապի և ռադարային համակարգերի մաս կազմող կամ դրանց մոտակայքում գտնվող կառույցներ»,- նշվում է հոդվածում:
Հրատարակության տվյալների համաձայն՝ Իրանի հարվածները կարող էին վնասել Քաթարում, Քուվեյթում, Սաուդյան Արաբիայում, ԱՄԷ-ում և Բահրեյնում գտնվող ամերիկյան ռազմական օբյեկտների սարքավորումները:
