Միհրան Հակոբյանի վրա հարձակման դեպքով 4 անձ ձերբակալել է
ՆԳՆ քրեական ոստիկանության ծառայողները այսօր ձերբակալել են 4 անձանց, որոնք կասկածվում են դեկտեմբերի 8-ին մոլերից մեկի հարակից ավտոկայանատեղիում կատարված հանցագործության մեջ։
«ՆԳՆ քրեական ոստիկանության ծառայողները, իրականացնելով օպերատիվ-հետախուզական ծավալուն միջոցառումներ և համագործակցելով Քննչական կոմիտեի գործընկերների հետ, այսօր ձերբակալել են 4 անձանց, որոնք կասկածվում են դեկտեմբերի 8-ին մոլերից մեկի հարակից ավտոկայանատեղիում կատարված հանցագործության մեջ։ Նրանք կներկայացվեն Քննչական կոմիտե»,- գրել է ՆԳՆ խոսնակը:
Հիշեցնենք՝ այդ օրը դիմակավորված անձինք հանրային վայրում հարձակվել էին հասարակական գործիչ Միհրան Հակոբյանի վրա։ Նա մարմնական վնասվածքներ էր ստացել և տեղափոխել բժշկական կենտրոն: Ըստ իրավապաշտպան Ռուբեն Մելիքյանի՝ հարձակումը տեղի չէր ունենա, եթե իրավապահները բացահայտած լինեին 2021թ-ին Միհրանի տան առջև նռնակ նետելու հանցանքը։
Հանրային ու քաղաքական տարբեր շրջանակներ դատապարտել էին կատարածը՝ այն համարելո Միհրան Հակոբյանի քաղաքական, հասարակական, հրապարակախոսական ելույթներին ուղղած քայլ:
