Թրամփի պլանը գրվել է Թրամպի լիմուզինի մեջ, որով օդանավակայանից հանդիպման վայր մեկնեցին Թրամպն ու Պուտինը. Հակոբ Բադալյան

Հակոբ Բադալյանը գրում է. «Թրամպի պլանի մասին:

Պատկերավոր, կամ հարաբերական՝ դա Թրամպի պլանը չէ, դա Ալյասկայի պայմանավորվածությունների համակարգն է: Չեմ ասում, թե պլանը գրվել է Ալյասկայում: Պայմանավորվածությունների համակարգն է կազմավորվել Ալյասկայում:

Եվ գիտե՞ք որտեղ: Մեքենայում՝ Թրամպի լիմուզինի մեջ, որով օդանավակայանից հանդիպման վայր մեկնեցին Թրամպն ու Պուտինը: Ես Ալյասկայի հանդիպումից անմիջապես հետո հենց այս դրվագն եմ համարել ամենից էականներից մեկը, մատնանշելով, որ այդպիսի դրվագները բոլորովին «քաղաքավարա-ընկերական» ցուցադրություն չեն, այլ շատ կոնկրետ քաղաքական խոսակցության դրսեւորում՝ շատ շատ կոնկրետ:

Եվ ի դեպ, շատերի ուշադրությունից է դուրս մնացել բրիտանական հետախուզության արդեն նախկին ղեկավար Մուրի մի խոսք, որ նա հնչեցրել էր օրեր առաջ: Նա ասել էր, որ բրիտանական հետախուզությունը հետեւել է Պուտինին, բայց դաշնակիցներին՝ ոչ:

Հետաքրքիր է, իսկ Ալյասկայում բրիտանական հետախուզությունը ինչպե՞ս էր լուծում երկընտրանքը՝ մի կողմից հետեւել Պուտինին, բայց չստացվի, որ հետեւում էին նաեւ «դաշնակից» Թրամպին, եթե իհարկե Թրամպին համարում են դաշնակից:

Իհարկե, ամերիկյան ռազմակայանում, որտեղ կայացավ հանդիպումը, գուցե բրիտանական ամենակարող հետախուզության հնարավորությունները դառնում են որոշակի նվազ, բայց Թրամպի լիմուզինում, դրանք թերեւս հասնում են զրոյի»։