Ուիթքոֆը նախատեսում է հանդիպել Գազայի հատվածում ՀԱՄԱՍ-ի առաջնորդի հետ. NYT
ԱՄՆ նախագահի հատուկ բանագնաց Սթիվ Ուիթքոֆը նախատեսում է հանդիպել Գազայի հատվածում ՀԱՄԱՍ-ի առաջնորդ Խալիլ ալ-Հեյայի հետ, հաղորդել է The New York Times-ը:
Առաջիկա հանդիպումը կկենտրոնանա Գազայում հնարավոր հրադադարի վրա և կարող է ցույց տալ Թրամփի վարչակազմի պատրաստակամությունը ՀԱՄԱՍ-ի հետ բաց երկխոսության համար։
Միաժամանակ, թերթի աղբյուրներն ընդգծել են, որ ԱՄՆ նախագահի հատուկ ներկայացուցչի այցի ժամկետները դեռևս որոշված չեն, և նրա ծրագրերը կարող են փոխվել։
Թրամփի դեսպանորդը հոկտեմբերին արդեն հանդիպել էր ՀԱՄԱՍ-ի ներկայացուցչի հետ՝ Իսրայելի հետ Գազայի հատվածում հրադադարի շուրջ բանակցությունների ընթացքում։
