Հերթական ողբերգական դեպքը՝ «Նուբարաշեն» ՔԿՀ-ում
168.am-ի տեղեկություններով՝ այս գիշեր «Նուբարաշեն» քրեակատարողական հիմնարկում կախվելու միջոցով ինքնասպան է եղել մոտ 60 տարեկան դատապարտյալ: Ընդհանուր առմամբ այս տարի արդեն 20 անձ է մահացել ՔԿՀ-ներում:
Նկատենք, որ 2024 թվականին Հանրապետության քրեակատարողական հիմնարկներում ինքնասպանության ոչ մի դեպք չի եղել, իսկ 2025թ. հունվարի 8-ին Նիկոլ Փաշինյանի հրամանով Քրեակատարողական ծառայության պետ մասնագիտությամբ հոգեբան Ծովինար Թադևոսյանի նշանակվելուց հետո սա արդեն ինքնասպանության թվով 8-րդ դեպքն է:
Վերասոցիալականացումն, իհարկե, ՔԿՀ-ներում ազատազրկված անձանց հետ տարվող աշխատանքի շատ կարևոր բաղադրիչ է, բայց երբ օպերատիվ աշխատանքը զրոյական է, արդյունքը լինում են այս և նման դեպքերը:
