Վրաստանում Արևմուտքի հայտարարությունները համեմատել են Գեբելսի քարոզչության հետ
Արևմտյան ներկայացուցիչների կողմից Վրաստանի մասին արված հայտարարությունները Երրորդ Ռայխի ազգային լուսավորության և քարոզչության նախարար Յոզեֆ Գեբելսի քարոզչության շարունակությունն են։ Այս մասին հայտարարել է Վրաստանի վարչապետ Իրակլի Կոբախիձեն, հաղորդում է ТАСС-ը:
«Եվրոպան ներկայացնում էր նաև պարոն Գեբելսը, որը հայտնի էր իր քարոզչությամբ։ Եվրոպական բյուրոկրատիայի ամոթալի ստերն ու հայտարարությունները, որոնք մենք լսում ենք, իսկապես Գեբելսի քարոզչության շարունակությունն են»,- հայտարարել է Կոբախիձեն։
Նա հավելել է, որ գեբելսյան քարոզչության վերադարձը Եվրոպա պետք է բացառել:
