2010-ականների ամենանորաձև սպորտային կոշիկները վերադառնում են
Բարձրակրունկ սպորտային կոշիկները, որոնք մեծ ժողովրդականություն էին վայելում 2010-ականներին, վերադարձել են։ Այս մասին գրում է New York Post (NYP)-ը:
Խոսքը կլոր քթերով և բարձր կրունկներով սպորտային կոշիկների մասին է:
Երիտասարդության տարիներին նորաձևության դիզայներ Իզաբել Մարանը ցանկանում էր ավելի բարձրահասակ երևալ, այդ պատճառով ստեղծեց կոշիկներ, որոնք ավելի հարմարավետ էին, քան երկարաճիտներն ու դասական բարձրակրունկները։ Արդյունքում, դիզայների Bekett կոշիկները մեծ պահանջարկ ձեռք բերեցին:
2010-ականներին Bekett կոշիկներով կարմիր գորգ էին բարձրանում այնպիսի հայտնի դեմքեր, ինչպիսիք են Բեյոնսեն, Ժիզել Բունդխենը, Ջենիֆեր Լոպեսը և Ռոզի Հանթինգթոն-Ուայթլին։
Այժմ սոցիալական ցանցերում հաճախ կհանդիպեք սպորտային կոշիկի այս մոդելով «get ready with me» տեսանյութերի, որոնք ունեն բազմամիլիոնանոց դիտումներ և հավանություններ:
