ԱՄՆ-ն կրճատել է ճապոնական ավտոմեքենաների ներմուծման մաքսատուրքերը
ԱՄՆ նախագահ Դոնալդ Թրամփի վարչակազմը նվազեցրել է Ճապոնիայից ներմուծվող ավտոմեքենաների մաքսատուրքերը։ Այս մասին հայտնում է NHK պորտալը։
«Ավտոմեքենաների մաքսատուրքը 27.5%-ից նվազեցվել է մինչև 15%»,- ասվում է հաղորդագրության մեջ։
Հիշեցնենք, որ այս տարվա ապրիլին Միացյալ Նահանգները ներմուծված ավտոմեքենաների վրա լրացուցիչ 25% մաքսատուրք սահմանեց՝ ներքին արդյունաբերությունը պաշտպանելու համար։ Սա ընդհանուր մաքսատուրքի դրույքաչափը հասցրեց 27.5%-ի։
Մինչ այդ հայտնի էր դարձել, որ ամերիկացի առաջնորդը ՆԱՏՕ-ի անդամ երկրներին ուղղված նամակում առաջարկել է Չինաստանից ներմուծվող ապրանքների վրա 50-100% մաքսատուրք սահմանել։ Նրա խոսքով՝ այս որոշումը կօգնի վերջ դնել ուկրաինական հակամարտությանը։
