Թուրքիայում ներդրումների ռեկորդային աճ է գրանցվել
Միավորված ազգերի կազմակերպության (ՄԱԿ) տվյալների համաձայն՝ 2024 թվականին միջազգային ուղղակի ներդրումները 11%-ով նվազել են, սակայն Թուրքիան նույն շրջանում 10.2%-ով աճ է գրանցել՝ ներգրավելով մոտ 11.7 մլրդ դոլար։ Այս մասին տեղեկացնում է ermenihaber.am-ը։
Թուրքիայի Կենտրոնական բանկի տվյալների համաձայն՝ 2025-ի առաջին կիսամյակում միջազգային ուղղակի ներդրումների ծավալը 27.1%-ով աճել է՝ հասնելով 6.3 մլրդ դոլարի: Հունիսի դրությամբ տարեկան ցուցանիշը կազմել է 13.1 մլրդ դոլար՝ դառնալով 2023 թվականի մայիսից ի վեր ամենաբարձր մակարդակը:
Ներդրումներ ներգրավելու տեսանկյունից առաջատարը Նիդերլանդներն է, որին հաջորդում են Ղազախստանը և ԱՄՆ-ն: Այնուհետև ամենաշատ ներդրում ներգրավող երկրներն են Գերմանիան, Ադրբեջանը, Շվեյցարիան և Ֆրանսիան:
Ոլորտային բաշխման առումով ամենաշատ ներդրումներ կատարվել են մանրածախ և մեծածախ առևտրի ոլորտում (47%), իսկ արտադրության ոլորտում՝ 27%:
