Թուրքիայի և Սիրիայի միջև տնտեսական նոր համաձայնություններ են ձեռք բերվել
Թուրքիայի Արտաքին տնտեսական հարաբերությունների խորհրդի (DEIK) հովանավորությամբ կայացել է Թուրքիա-Սիրիա հարաբերություններին նվիրված հատուկ նիստ: Այս մասին տեղեկացնում է ermenihaber.am-ը։
Հանդիպմանը մասնակցել են Թուրքիայի Առևտրի նախարարի տեղակալ Վոլքան Աղարը և Սիրիայի տնտեսության և արդյունաբերության նախարար Մուհամմեդ Նիդալ Էշ-Շաարը:
Նիստի ժամանակ քննարկվել են Թուրքիայի և Սիրիայի միջև տնտեսական հարաբերությունների ապագայի հեռանկարները և ստորագրվել են 10 նոր հուշագրեր: Հուշագրերն ընդգրկում են տարբեր ոլորտներ՝ սկսած առևտրից մինչև արդյունաբերություն:
Ստորագրված համաձայնությունները ներառում են Թուրքիայի Արտաքին տնտեսական հարաբերությունների խորհրդի համագործակցությունը Դամասկոսի, Հալեպի, Լազկիեի և Համայի առևտրի պալատների հետ:
