Նեթանյահուն Իսրայելի պատվիրակությանը հետ է կանչել Դոհայի բանակցություններից
Պաղեստինյան ՀԱՄԱՍ խմբավորման վերջին հրադադարի և պատանդների ազատ արձակման առաջարկին արձագանքից հետո, Իսրայելի վարչապետ Բենիամին Նեթանյահուն Քաթարից հետ է կանչել պատանդների հարցերով բանակցող խմբին «Իսրայելում խորհրդակցությունները շարունակելու» համար, գրում է Times of Israel-ը՝ հղում անելով Նեթանյահուի գրասենյակին։
«Մենք գնահատում ենք կատարցի և եգիպտացի միջնորդների, ինչպես նաև [ԱՄՆ հատուկ բանագնաց Սթիվ] Ուիթքոֆի ջանքերը՝ բանակցություններում առաջընթացի հասնելու համար», -ասված է Իսրայելի վարչապետի մամուլի ծառայության հայտարարության մեջ։
Ինչպես նշում է լրատվամիջոցը, հայտարարությունից պարզ չէ՝ արդյոք դա վկայո՞ւմ է բանակցությունների խափանման մասին։
