Արցախցիների հասցեին ազգային ատելության կոչեր հասցնելու փաստերով դատավորները պարտավորեցրել են նախաձեռնել քրեական վարույթներ․ Ռոման Երիցյան
Արցախցի փաստաբան Ռոման Երիցյանը ֆեյսբուքյան իր էջում գրում է․
«Արցախցիների հասցեին ազգային ատելության կոչեր հասցնելու փաստով ներկայացված հաղորդման հիման վրա Երևան քաղաքի քրեական դատարանի դատավոր Սամվել Յուզբաշյանը պարտավորեցրել է նախաձեռնել քրեական վարույթ։
Օրեր առաջ նույնանման որոշում է կայացրել նաև ՀՀ վերաքննիչ քրեական դատարանի դատավոր Ադրինե Ղուկասյանը՝ «Գորիսում ճանապարհը պետք է փակվեր, որ արցախցիները մեռնեին» հրապարակային արտահայտության հիմքով»։
