Թրամփն ասել է, որ ԵՄ-ն հանդիպում է պահանջում առևտրային պատերազմի սրման պայմաններում
Եվրամիությունը հանդիպում է խնդրել ԱՄՆ-ի ներկայացուցիչների հետ՝ առևտրային պատերազմի սրման ֆոնին։ Այդ մասին ԱՄՆ նախագահ Դոնալդ Թրամփը հայտնել է Truth Social սոցիալական ցանցում։
«Քիչ առաջ տեղեկացա, որ ԵՄ-ն կոչ է արել արագ սահմանել հանդիպումների ժամկետները: Սա դրական զարգացում է, և ես հուսով եմ, որ նրանք, ի վերջո, ինչպես պահանջել եմ Չինաստանից, կբացեն եվրոպական երկրներն ԱՄՆ-ի հետ առևտրի համար: ԵՄ-ն և Չինաստանը շատ հաջողակ կլինեն, եթե դա անեն»,- գրել է նա:
Անցյալ ուրբաթ Սպիտակ տան ղեկավարը սպառնաց ԵՄ-ին հունիսի 1-ից 50 տոկոս մաքսատուրքերով, քանի որ Եվրոպայի հետ առևտրային բանակցությունները ոչ մի տեղ չեն տանում: Ավելացված արժեքի հարկերը, կորպորատիվ տուգանքները, առևտրային խոչընդոտները, ամերիկյան ընկերությունների դեմ անարդար դատական հայցերը, ըստ Թրամփի, հանգեցրել են տարեկան ավելի քան 250 միլիոն դոլարի առևտրային դեֆիցիտի:
Մայիսի 25-ին Եվրահանձնաժողովի նախագահ Ուրսուլա ֆոն դեր Լեյենն իր հերթին հայտնեց, որ հեռախոսով խոսել է Թրամփի հետ, ինչից հետո նշել է, որ Եվրամիությանը մինչև հուլիսի 9-ը ժամանակ է պետք ԱՄՆ-ի հետ առևտրային գործարք կնքելու համար:
