Չերչիլի լուսանկարը գողացած կանադացին դատապարտվել է 2 տարվա ազատազրկման
Կանադացի մի տղամարդ դատապարտվել է գրեթե երկու տարվա ազատազրկման Մեծ Բրիտանիայի վարչապետ Ուինսթոն Չերչիլի հայտնի «Մռնչացող առյուծը» լուսանկարը գողանալու համար։ Այս մասին հաղորդում է BBC-ն։
Ջեֆրի Վուդը մեղավոր է ճանաչվել Օտտավայի Château Laurier հյուրանոցից 2021 թվականի սուրբծննդյան տոներից մինչև 2022 թվականի հունվարի սկիզբն ընկած ժամանակահատվածում լուսանկարի առաջին տպված օրինակը գողանալու մեջ: Նա նաև խոստովանել է, որ կեղծել է լուսանկարը։
Մեծ Բրիտանիայի վարչապետի լուսանկարն արվել է կանադահայ հայտնի լուսանկարիչ Յուսուֆ Քարշի կողմից 1941 թվականին։ Այն հայտնվել է 5 ֆունտանոց թղթադրամի վրա
Օտտավայի ոստիկանությունը հայտնել է, որ լուսանկարը հայտնաբերվել է 2024 թվականին Իտալիայի Ջենովա քաղաքում, մասնավոր գնորդի մոտ, որը չգիտեր, որ այն գողացված է:
