Հակամարտությունը Ռուսաստանի մեղքը չէ, Բայդենն ու Զելենսկին սխալ բաներ են ասել․ Թրամփ
ԱՄՆ նախագահ Թրամփը, խոսելով Զելենսկու մասին, հայտարարել է, որ նրա ներկայությունը ռուսների հետ բանակցություններին, այնքան էլ կարևոր չէ։ Թրամփի խոսքերն է մեջբերում Սպիտակ տանը CBS News-ի լրագրող Ջենիֆեր Ջեյքոբսը։
«Չեմ կարծում, որ նրա ներկայությունը հանդիպումներին այդքան կարևոր է»,-ասել է Թրամփը։
ԱՄՆ նախագահն անդրադարձել է նաև ռուս-ուկրաինական պատերազմի պատճառներին և կանխմանը․
«Գիտե՞ք, ամեն անգամ, երբ ասում եմ՝ դա Ռուսաստանի մեղքը չէ, ինձ միշտ քննադատում են կեղծ լուրերի համար։ Բայց ես ձեզ ասում եմ՝ Բայդենը սխալ բաներ է ասել։ Զելենսկին սխալ բաներ է ասել: Նրանց վրա հարձակվել է մեկը, ով անհամեմատ մեծ էր և անհամեմատ՝ ուժեղ, դա վատ է և չի կարելի այդպես վարվել: Մինչդեռ Ռուսաստանին հեշտությամբ կարելի էր հետ պահել դրանից։ Զելենսկին ռուսների հետ հանդիպմանը չի հրավիրվել, քանի որ մինչ այժմ նա վատ է եղել բանակցություններում: Նախևառաջ, ձեր երկրում չպետք է պատերազմ լիներ, իսկ երբ պատերազմը սկսվեց, ապա այն պետք է անհապաղ լուծվեր և կարգավորվեր»,-ասել է Թրամփը։
