Ռուսաստանում ուժի մեջ են մտնում ներգաղթյալների համար նոր կարգավորումները
Ռուսաստանում այսօրվանից ուժի մեջ են մտնում ներգաղթյալների համար նախատեսված նոր կարգավորումները։
ՌԴ ներքին գործերի նախարարությունից հայտնում են, որ այսուհետև Ռուսաստանում անօրինական պայմաններով գտնվողները կամ այն միգրանտները, որ իրավախախտում են արել, կհայտնվեն հատուկ հսկողության տակ գտնվող անձանց ռեեստրում և պարտավորված կլինեն ոստիկանությանը հստակ լուսանկարով տեղեկություն փոխանցել իրենց գտնվելու վայրի մասին։
Այս ռեեեստրում գտնվող միգրանտները չեն կարող գնել անշարժ գույք, մեքենա վարել, օգտվել բանկային ծառայություններից, ամուսնանալ։ Սահմանված այդ կանոնները մի քանի անգամ խախտելու դեպքում ներգաղթյալը կարտաքսվի։ Եվ միայն Ռուսաստանից հեռանալուց հետո նրա անունը կհեռացվի հատուկ հսկողության տակ գտնվող անձանց ռեեստրից։
