Թուրքիայի հետախուզության ղեկավարն այցելել է Սիրիայի մայրաքաղաք
Թուրքիայի ազգային հետախուզության ղեկավար Իբրահիմ Կալինը ժամանել է Սիրիայի մայրաքաղաք Դամասկոս, գրում է Turkiye Today կայքը։ Կալինին նկատել են հինգշաբթի Դամասկոսի Օմայադ մզկիթում աղոթքից հետո:
«Հարցեր են մնում Սիրիայի ապագայի վերաբերյալ՝ ընդդիմության կողմից երկրի երեք խոշոր քաղաքների՝ Դամասկոսի, Հալեպի և Հոմսի արագ գրավումից հետո»,- գրում է լրատվամիջոցը։
Սիրիայի նորաստեղծ ժամանակավոր կառավարությունը՝ առաջնորդ Մուհամմեդ ալ-Բաշիրի գլխավորությամբ, երեքշաբթի հայտարարել է, որ իշխանությունը կմնա մինչև 2025 թվականի մարտը՝ երկիրը կայունացնելու համար։
