Համալսարաններից հետո հերթը դպրոցներինն է. Վրաստանի նախագահը դպրոցականներին կոչ է արել միանալ ցույցերին
Վրաստանի նախագահ Սալոմե Զուրաբիշվիլին դպրոցականներին կոչ է արել միանալ իշխանությունների դեմ բողոքի ակցիաներին՝ ընդգծելով, որ համալսարաններից հետո հերթը դպրոցներինն է: Այս մասին հայտնում է «Սպուտնիկ» գործակալության վրացական ծառայությունը:
Մինչդեռ կրթության նախարարը «անընդունելի» էր որակել կրթական գործընթացի քաղաքականացումը։
Վրաստանի ՆԳՆ-ն կտրականապես դեմ է բողոքի ակցիաներին անչափահասների ներկայությանը։ Ավելի վաղ սոցիալական ցանցերում տեսանյութ էր հայտնվել, որում երեխան շիշ է նետում ուժայինների ուղղությամբ։ Սրանից հետո Վրաստանի ՆԳՆ-ն կոչ է արել ծնողներին հեռացնել իրենց երեխաներին հանրահավաքներից։
