«Նոա»-ն Պրեմիեր լիգայի հաջորդ 3 տնային խաղերը չի անցկացնի Աբովյանում
Fastex Պրեմիեր լիգայի հաջորդ 3 տնային հանդիպումները «Նոա»-ն կանցկացնի Վ. Սարգսյանի անվան «Հանրապետական» մարզադաշտում։ Այս մասին տեղեկանում ենք ակումբի մամուլի քարտուղարությունից:
Դեկտեմբերի 4-ին Ռուի Մոտայի թիմը կընդունի «Արարատ-Արմենիա»-ին, դեկտեմբերի 8-ին՝ «Գանձասար»-ին, իսկ 15-ին՝ «Վեստ Արմենիա»-ին:
Դեկտեմբերին «Նոա»-ն կանցկացնի նաև Կոնֆերենցիաների լիգայի Լիգայի փուլի վերջին երկու հանդիպումները: Ամսի 12-ին թիմը սեփական հարկի տակ կընդունի ԱՊՕԷԼ-ին, իսկ 20-ին Սերբիայում կմրցի «Բաչկա Տոպոլա»-ի հետ:
