Հեռուստահաղորդավար Նվեր Մնացականյանի եղբայրը կապ չունի՞ Վազգեն Խաչիկյանի գործի հետ

Հեռուստահաղորդավար Նվեր Մնացականյանի հարազատ եղբայր Ռուբեն Մնացականյանին առաջադրված մեղադրանքով նախաքննությունը դեռ շարունակվում է:

Այս մասին Իրավաբան.net-ի թղթակցին հայտնել են ոստիկանության լրատվության և հասարակայանության հետ կապերի վարչությունից: Նրանց փոխանցմամբ` Ռուբեն Մնացականյանը շարունակում է կալանավորված մնալ:

Նախաքննական մարմնի դիրքորոշման համաձայն` Ռուբեն Մնացականյանն անցնում է Աշխատանքի և սոցիալական հարցերի նախարարության սոցիալական ապահովության պետական ծառայության նախկին պետ Վազգեն Խաչիկյանի գործով:

«Մենք հստակ նշում ենք, որ Սոցիալական պետական ծառայության վճարումների Գյումրիի ստորաբաժանումում կատարված յուրացումները հետ Վազգեն Խաչիկյանը որևէ կապ չունի, դա նախաքննական մարմնի դիրքորոշումն է»,- Իրավաբան.net-ի թղթակցի հետ զրույցում ասել է Վազգեն Խաչիկյանի պաշտպան Ժորա Վարոսյանը:

Հիշեցնենք, որ Ռուբեն Մնացականյանը 2001թ. հունվարի 1-ից մինչև 2010-ի դեկտեմբերի 30-ը եղել է Սոցիալական պետական ծառայության վճարումների Գյումրիի ստորաբաժանման պետը: Նախկին պաշտոնյային մեղադրանք է առաջադրվել ՀՀ քրեական օրենսգրքի 308 հոդվածի 2-րդ մասի հատկանիշներով` (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) պետությանը պատճառած դրամական վնասի համար:

Աղբյուրը` Իրավաբան.net