Երևանում «Mercedes»-ը վրաերթի է ենթարկել հետիոտնին. նրա կյանքը փրկել չի հաջողվել
Այսօր՝ նոյեմբերի 13-ին, մահվան ելքով վրաերթ է տեղի ունեցել Երևանում: Ժամը 07:15-ի սահմաններում Արագածոտնի մարզի բնակիչ 28-ամյա Դավիթ Ն.-ն իր վարած «Mercedes» մակնիշի ավտոմեքենայով Գևորգ Չաուշ 21/1 հասցեի մոտ վրաերթի է ենթարկել կին հետիոտնի:
Ըստ shamshyan.com-ի՝ վարորդը փախուստի չի դիմել, իր ավտոմեքենայով տուժածին տեղափոխել է «Արմենիա» բժշկական կենտրոն, ապա դեպքի մասին ահազանգել ՀՀ ներքին գործերի նախարարության ոստիկանության օպերատիվ կառավարման կենտրոն:
Տուժածը, գիտակցության չգալով, մահացել է: Ոստիկանությունը պարզում է մահացածի ինքնությունը: Վարորդը ենթարկվել է փորձաքննության, նա եղել է սթափ:
