Հայաստանից դոլարին համարժեք արտահանումը 2019-2023 թվականներին աճել է գրեթե 220%-ով

2023 թվականին Հայաստանն արտաքին աշխարհ է արտահանել 8,37 միլիարդ դոլարի արտադրանք, հայտնում է World’s Top Exports-ը։

Այս գումարը 2019 թվականի տվյալների համեմատ աճել է 219,7%-ով։ Հայաստանի արտահանման ընդհանուր արժեքն աճել է 57,7%-ով, այնդ եպքում, երբ 2022 թվականին այդ թիվը կազմում էր 5,31 միլիարդ դոլար։

Հայաստանից արտահանված ապրանքների 92.2%-ը մատակարարվել է Ռուսաստան (ընդհանուրի 40.4%-ը), Արաբական Միացյալ Էմիրություններ (26.6%), Հոնկոնգ (8%), մայրցամաքային Չինաստան (5.1%), Նիդեռլանդներ (2.8%), Իրաք (2.2%), Վրաստան (1,6%), Բուլղարիա (1,16%), Բելգիա (1,13%), Իրան (1,13%), Բելառուս (1,1%) և Գերմանիան (1,04%)։

Հայաստանի արտահանման 51,3%-ը մատակարարվել է եվրոպական երկրներ, իսկ 47,8%-ը՝ Ասիա։

Հաշվի առնելով, որ Հայաստանն ունի 2 միլիոն 963 հազար բնակչություն, 2023 թվականին նրա ընդհանուր արտահանումը կազմում է 8,37 միլիարդ դոլար, այս երկրի յուրաքանչյուր բնակչի համար կազմում է մոտավորապես 2800 դոլար։

Ակնեղենը և թանկարժեք մետաղները արտահանման առաջին տասնյակում ամենաարագ աճն են ունեցել՝ 2022-2023 թվականներին աճելով 224,6%-ով:

Արտահանման վաճառքի բարելավման ցուցանիշով երկրորդ տեղում են էլեկտրական մեքենաներն ու սարքավորումները՝ 94,9% աճով։

Հայաստանի կողմից տրանսպորտային միջոցների մատակարարումները գրանցել են արժեքի երրորդ ամենաարագ աճը՝ աճելով 66,8%-ով։